main zaKhm zaKhm huuN phir bhii tujhe dikhaa_ii na duuN
tere badan men dhaDakane lagaa huuN dil kii tarah
ye aur baat ke ab bhii tujhe sunaa_ii na duuN
Khud apane aap ko parakhaa to ye nadaamat hai
ke ab kabhii use ilzaam-e-bevafaa_ii na duuN
(nadaamat=regret/shame)
mujhe bhii DhuuNDh kabhii mahv-e-aa_iinaa_daarii
main teraa aqs huuN lekin tujhe dikhaa_ii na duuN
(mahv=immersed in; aqs=reflection)
Ahmad Faraz
0 comments:
Post a Comment