pech rakhate ho bahut saaj-o-dastaar ke biich
main ne sar girate hue dekhe hain baazaar ke biich
(pech = anger; saaj-o-dastaar = turban)
baaG_baanon ko ajab ranj se takate hain gulaab
gul_farosh aaj bahut jamaa hain gul_zaar ke biich
(ranj = sorrow; gul_farosh = flower sellers)
kaj adaaon kii inaayat hai ki ham se ushshaaq
kabhii diivaar ke piichhe kabhii diivaar ke biich
(kaj - crooked; ushshaaq = lovers)
tum ho naa_Khush to yahaaN kaun hai Khush phir bhi Faraz
log rahate hain isii shahar-e-dil-e-aazaar ke biich
Thursday, December 4, 2008
Subscribe to:
Post Comments (Atom)
0 comments:
Post a Comment